Түрүү сар кредит картны тооцоо шуудангаар ирснийг нээж үзээд инээх уу ярвайх уу гэгч болов. Учир нь сүүлийн 3 сар суурин амар жим суусны ачаар картыг бол ер хэрэглээгүй бөгөөд тооцоо ирсэнд нэгэнтэйгүүр гайхав. Нөгөөтэйгүүр картын луйврын золиос болчив уу гэх хар бодол зэрэг зурсхийгээд уур цухал гэгч этгээд дээшээ хөөрөөд ирсэн. Сарын тэмдгийн өмнөх 'хямрал"-гүй болчоод би гэдэг хүүхэн хачин сайхан ааштай уур уцаар гэгчийг ор тас мартсан амирлангуй нэгэн болоод байсын /энэ бол нөхрийн үг болно хэ хэ/
За тэгээд банк руугаа ярьтал төлбөр үнэхээр гарчээ. Картаа бушуухан хаалгав. Нэмж санхүүгээр сүйрээд яахав дээ энэ чинь одоо. Үл таних нэг товарищ миний картыг ашиглаад Испанийн эргүүдээр усан онгоцоор аялал хийсэн болтой. Энэ бол одоогоор миний гаргаад байгаа сураг. Чухам яг хэзээ хаана би өөрийн мэдээллээ алдсаныг ёстой чөтгөр л мэдэх байх даа. Гэхдээ банкинд албан ёсоор мэдэгдсэний дагуу тэд хаанаас хэрхэн ямар нөхцөлд карт ашиглагдсан болохыг шалгадын байлээ. Энэ нь кредит картны луйвартай тэмцэх хэлтэс гэж тусгай тасгийн хийх ажил. Одоогоор бол надад хүлээхээс өөр хийж чадах юм алга даа.
Хэн нэгэн иймэрхүү нөхцөл байдалд орж байсан бол яасан ийсэн гээд туршлагаасаа хуваалцвал тунчиг хэрэгтэй л байна :)
Сэтгэгдэлүүд:
Lily: ярьсаан хө, галгаж байна л гэсэн
Мэдикал: тэх
akuta: арай үгүй байхаа...
gorzook: мөнгө ч миний данснаас гарчихсан байлээ л дээ, гэхдээ шалгаж нягтлаад даатгал маант төлөх болуу гэж бодоод л сууна... бүү мэд
hohirolgui bolj bval bolloo
Соёлтой орон байна даа, хэрэглэгчээ хохироохгүй байлгүй дээ. Учрыг нь олж мөнгийг чинь дансанд чинь буцаан хийнэ байх аа.
Сэтгэгдэл үлдээх: