Болзолгүй хайр: Шуми хүү буцаж ирэх нь

Өнгөрсөн долоо хоногийн амралтын өдрүүдэд болсон Унгарын гранпригийн үеээр Формула 1 уралдааны нисгэгч Масса /Ferrari баг/ толгойдоо гэмтэл авсанаас болж нэлээд хэдэн уралдаанд оролцож чадахгүй болсон бөгөөд түүний оронд олон удаагийн аврага чөлөөнд гарсан Шумахер уралдахаар болсон тухай хамтарсан мэдэгдэл хийлээ. Шумахер хэдий чөлөөнд гарсан ч Ферраригийнд данстай хэвээр байдаг аж.

Массагийн урд явсан нутаг нэгт Барричелло /Brawn GP/-н машинаас 700-800 граммын жинтэй төмөр пүрш суга үсэрч ард явсан Массагийн дуулгыг сэт цохисноор Масса хэсэг хугацаанд ухаан балартан тэр чигээрээ хамгаалалтын дугуйн хашааг мөргөжээ. Тэрээр зовхины дээд талын гавлын ясанд гэмтэл авсан бөгөөд азаар нүдэнд нь ямар ч аюулгүй өнгөрчээ. Ерөнхийдөө биеийн байдал сайн байгаа ч нэг хэсэгтээ уралдахыг нь хориглосон байна эмч нар. Тун азтай байлаа үхэхэд ойр байсан гэж байлээ. Эрсдэлтэй гэдгийг мэдэж байсан ч уралдаж байгаа нөхдийг юу ч гэхэв гэж бодож байсан ч хөөрхий давхар биетэй эхнэрийг нь хараад өрөвдөж л суулаа гэж. . . . одоо ч тэгээд юм хөгжөөд эдний хуяг дуулга аюулгүй байдлыг сайн хангадаг болжээ.

Харин түүнийг орлон уралдах Шумахерын бэлтгэл нь бүрэн эсэх талаар нэлээдгүй хэлэлцэж байна. Түүнийг уралдаж байсан үеийнхтэйгээ адилгүй, дутуу бэлтгэлтэй гэж үзэж байгаа ч бас нөгөө талаар мотоциклийн уралдаанд сүүлийн үед байнга хүч үзэж байсан нь бэлтгэлтэйг харуулна гэх. Гэхдээ түүний мотоциклтай ослоос хүзүүндээ авсан гэмтэл сэдэрч болох юм гэсэн яриа бас хачир нэмж байна. Юутай ч тэр ирэх уралдаанаар дахин өөрийгөө сориход бэлэн гэж мэдэгдсэн. Бидэнд хүлээж харах л үлдэж байна даа...