Болзолгүй хайр

Хайрын дусал

Чамайг бас намайг

Хүн болгож

Бүдэг совин биелэлээ тэмтэрч

Бүлээн амьсгал энд бүрэлдэнэ

*************************

   Ижий бурхан:

Санаж байна уу ижийнхээ

Сүүлчийн удаа нүдэнд хурсан

Чамайг хайрласан гунигтай харцыг

Үр минь ээ

             Үр бурхан:    

      Сайхан хар нүдний тань харц бүрийг

      Санаан мухартаа, зүрхний гүндээ хадгалсаан

      Ижий минь гэвч   

      Чимх чимхээр цаг хугацаа түүнийг 

      Чимээгүйхэн авч одсоор л

      Би яанам . . . . .

************************

Дураар нисмээр

Дүүлэн хөөрмөөр

Гансарч суумаар

Галзуурч хашгирмаар

Баяр бас гуниг

Биднийг юу ч үгүй

Үлдэн хөөчихөөд

Ул мөргүй алга болчих юм

Өөрөө . . . .